കേരള സർക്കാരിന്റെ ഉടമസ്ഥതയിലുള്ള ഒരു ബാങ്കിങ്ങേതര ധനകാര്യസ്ഥാപനമാണ് കെ.എസ്.എഫ്.ഇ. എന്ന ചുരുക്കപ്പേരിലറിയപ്പെടുന്ന ദ കേരളാ സ്റ്റേറ്റ്‌ ഫിനാൻഷ്യൽ എന്റർപ്രൈസസ്‌ ലിമിറ്റഡ്‌. 1969 നവംബറിലാണ് ഇത് പ്രവർത്തനമാരംഭിച്ചത്. ആരംഭകാലത്ത് ചിട്ടി നടത്തിപ്പ് മാത്രമായിരുന്നു കൈകാര്യം ചെയ്തിരുന്നതെങ്കിലും പിന്നീട് വായ്പ അടക്കമുള്ള മറ്റ് ധനകാര്യ ഇടപാടുകളും ആരംഭിച്ചു. കേരളത്തിലുടനീളം 500-ലധികം ശാഖകളും പതിനായിരം കോടിയിലധികം വിറ്റുവരവും 26 ലക്ഷത്തോളം ഇടപാടുകാരുമുള്ള കെ.എസ്.എഫ്.ഇ. കേരളത്തിലെ ഏറ്റവും വലിയ ബാങ്കിങ്ങേതരധനകാര്യസ്ഥാപനമാണ്.45 ജീവനക്കാരും 10 ശാഖകളും 2 ലക്ഷം രൂപയുടെ പ്രവർത്തനമൂലധനവുമായി 1969-ലാണ് കെ.എസ്.എഫ്.ഇ. പ്രവർത്തനമാരംഭിച്ചത്.
No comments: